Eski bo‘lsa-da, hali ishlab turgan Aypad
Oskar unda ssenariylar yozadi va kontent tomosha qiladi. Qolaversa, zarur bo‘lganda telefonni quvvatlaydi ham. Deyarli aqlli quvvatlagich, lekin aslida undan ham ko‘proq vazifalarni bajarishi mumkin.
Katak va chiziqlarsiz daftar
“Hozircha atigi ikki betni to‘ldirdim,” deya tan oladi Oskar. Varoqlarda nimalar yozilgani esa, hozircha sir.
Steam Deck – bor, lekin hali ishlatilmagan
O‘ynash uchun sotib olingan, lekin hozircha vaqt yo‘q. Balki keyinchalik imkon bo‘lib qoladi. Hozircha esa shunchaki o‘zi bilan olib yuradi.
Kitob (hali o‘qimagan)
Uning so‘zlariga ko‘ra, Rik Rubin - o‘qish shart bo‘lgan mualliflardan. Biz ham maslahat beramiz, biz ham - xuddi Oskar kabi - hozircha o‘qiganimiz yo‘q.
Shaxsiy kolleksiyadagi kepka
Chang bosgan va tasodifan sumkaga tushib qolgan bo‘lsa-da, baribir yuqori diddan dalolat beradi.
Shnur: telefonni iPad orqali quvvatlash uchun
XXI asr taklif qila oladigan eng yaxshi narsa - gibrid yechimlardir.
Quruq salfetkalar (nam salfetkalardan foydalanmaydi)
"Qo‘llaringizni sovun bilan yuving" - qat’iy nuqtai nazar.
Simsiz mikrofon: fikrlarni qayd etib borish uchun.
Doimiy hamroh. Qulay, sinalgan va doimo u bilan birga.
Pocketbook - elektron kitob
Unga aytishlaricha, qog‘oz kitoblar endi eskirgan narsa. U buni bahslashmay shunchaki qabul qilgan.
Soch uchun pomada (agar bosh kiyimsiz chiqilgan bo‘lsa)
Bosh kiyim uyda qolib ketgan yoki changlanib qolgan bo‘lsa, sochlarini tartibga keltirish uchun.
Ko‘z va yuz uchun kremlar (ishonish qiyin, lekin rost!)
O‘ziga qarab yurish hech qachon urfdan chiqmaydi.
Quloqchinlar: ilgari kattaroqlari yoqardi, hozir kichiklarini Afzal ko‘rmo‘qda.
Minimalizm, harakatchanlik va sumka og‘irlashib ketmaydi.
Ulkan kalitlar bog‘lami
Mashinadan, ikkita uydan va hatto seyfdan ham. O‘sha yerda supermarketning sodiqlik kartasi ham bor. Aks holda, ikkita uyga qanday qilib pul to‘plash mumkin.
Hamyon (voy-bo‘o‘o‘o‘o‘o‘…)
Ichida kartalar, bir oz naqd pul bor. Ortiqcha his-tuyg‘ularga esa joy yo‘q.
Parijdan keltirilgan yondirgich
O‘tmishdagi iliq xotiralarni uyg‘otadigan sovg‘a. Biz Toshkentda haqiqiy hayotdan rohatlanayotganimizda, Parijda azob chekayotgan do‘stlarimizni eslatib turadi.
