Tadbir qadimiy Chilpiq qal’asi etagida o‘tkazilib, unda klassik musiqa, Sharq she’riyati va etnik ohanglar uyg‘unlashtirildi.

Kechaning asosiy ishtirokchisi O‘zbekiston Milliy simfonik orkestri bilan birgalikda dunyoga mashhur rossiyalik pianinochi Kirill Rixter bo‘ldi. “The Sands of Time” (“Vaqt qumlari”) konserti – Sharqning ulug‘ shoirlari Bobur, Navoiy, Umar Xayyom va Nodirabegim ijodidan ilhomlangan g‘oya mahsuli.

"Simfonik musiqa, Sharq she’riyati va xalqona ohanglar uyg‘unlashgan ushbu noodatiy tadbirni Nukus bilan jahon musiqa sahnasi o‘rtasidagi madaniy ko‘prik, deb atash mumkin", — dedi prezident yordamchisi Saida Mirziyoyeva.