Mansur Ravshanov milliy sahna klassikasiga aylangan o‘ndan ortiq spektakllarni sahnalashtirib, o‘zbek teatri rivojiga munosib hissa qo‘shgan. Uning "Alpomish", "Boy ila xizmatchi", "Maysaraning ishi", "Alisher Navoiy", "Kelinlar qo‘zg‘oloni", "Makr va muhabbat", "Alpomishning qaytishi" kabi asarlari mashhurdir.

Mehnat faoliyatini Surxondaryo viloyati musiqali drama teatrida aktyorlikdan boshlab, keyinchalik rejissyor va bosh sahnalashtiruvchi bo‘lib ishlagan. Uning sa’y-harakatlari bilan Surxondaryo qo‘g‘irchoq teatri tashkil etildi va u viloyatning muhim madaniy markazlaridan biri bo‘lib qolmoqda.

O‘zbekiston Madaniyat vazirligi marhumning oila a’zolari va yaqinlariga hamdardlik bildirdi.