Marosim ramziy lenta kesish bilan boshlandi. Tadbirda Fond raisi Gayane Umerova, Osaka shahri meri Yokoyama Xideyuki, O‘zbekistonning Yaponiyadagi elchisi Muhsinxo‘ja Abdurahmonov hamda pavilon me’mori Shirin Bryukner ishtirok etdi.

Ochilish marosimidan so‘ng faxriy mehmonlar, jumladan Osaka va Nara shaharlari merlari - Yokoyama Xideyuki va Nakagava Gena uchun pavilyon bo‘ylab ekskursiya o‘tkazildi. Ekskursiyani arxitektor Shirin Bryukner va dizayner Nada Debs olib bordi.

Mehmonlar O‘zbekistonning madaniy merosi, barqaror rivojlanish tamoyillari va mamlakatning innovatsion kelajagini aks ettiruvchi me’moriy konsepsiya bilan tanishishdi.