"Markaziy Osiyoning yosh sherlari 2025" kreativ sanoat tanlovi yakunlandi. Bu yil Qozog‘iston, O‘zbekiston va Qirg‘izistondan 59 ta jamoa ishtirok etib, oltita yo‘nalish bo‘yicha bellashdi: Film, Print, Digital, Design, PR va Media.
Film yo‘nalishida Timur Kim (Nexus Video Production) va Damir Mubinov (Video Production SNOVA) jamoasi O‘zbekistonda g‘olib bo‘ldi. Ular 25,00 ball to‘plab, Markaziy Osiyoda birinchi o‘rinni egalladi. Joriy yilning iyun oyida jamoa "Cann Lions 2025" xalqaro kreativlik festivalida "Yosh sherlar" global finalida O‘zbekiston sharafini himoya qiladi.
Qozog‘iston va O‘zbekistonda parallel ravishda o‘tkazilgan Design yo‘nalishida 14 ta jamoa joriy yilda xalqaro maqomga ega bo‘lgan Toshkent TAF! reklama festivalining yangi identifikatorini yaratish ustida ishladi. O‘zbekistondagi eng yaxshi jamoa Alen Zagardinov va Zohir Bozorov (MA’NO Branding) jamoasi bo‘ldi. Ularning ishi 28,33 ballni tashkil etdi - bu barcha nominatsiyalar bo‘yicha tanlov ishtirokchilari orasida eng yuqori natijadir. Ular, shuningdek, Kannda bo‘lib o‘tadigan global finalda O‘zbekiston sharafini himoya qiladi.
Design yo‘nalishida Samandar Rahmatov va Anasxon Abdulazizov (Space Marketing) jamoasi 26,33 ball bilan kumush, Mirmuhsin Mirakbarov va Behzod Nazirov (605 Agency) jamoasi 25,67 ball bilan bronza medalini qo‘lga kiritdi.
O‘zbekistonda Mirmuhsin Mirakbarov (605 Agency) va Behzod Nazirov (605 Agency) jamoasi 25,67 ball bilan uchinchi o‘rinni egalladi.
Markaziy Osiyoning boshqa davlatlaridan bo‘lgan qolgan g‘oliblar bilan havola orqali tanishishingiz mumkin.