Tadbir kitobxonlik madaniyatini targ‘ib qilish, yangi kitoblar taqdimoti, shuningdek, kitob nashr etish va adabiyot sohasidagi dolzarb masalalarni muhokama qilishga qaratilgan.

Haftalikning ochilishi 21-aprel kuni soat 10:00 da Toshkentdagi Simpoziumlar saroyida bo‘lib o‘tadi. Haftalik doirasida 25-26 aprel kunlari "Parkent" ijod uyida bolalar va o‘smirlar adabiyotini rivojlantirishga bag‘ishlangan seminarlar o‘tkazilishi ham rejalashtirilgan.

Shuningdek, 25-27 aprel kunlari Toshkent shahridagi Dream Park istirohat bog‘ida, Qoraqalpog‘iston Respublikasi va viloyatlar markazlaridagi madaniyat va istirohat bog‘larida "Noshirdan — kitobxonga" shiori ostida kitob yarmarkalari o‘tkaziladi.