Kann kinofestivalining eng munozarali va shov-shuvli filmlaridan biri – Ari Asterning “Eddington” filmi endi raqamli platformalarda taqdim etildi. Filmda bosh rollarni Xoakin Feniks, Pedro Paskal va Emma Stoun ijro etgan.

Film haqida qisqacha

Film epidemiya paytida ishini yo'qotib, shuhratparast sherif bilan to'qnash kelgan kichik shahar hokimi haqida hikoya qiladi. Dastlab bu g‘oya 2020-yilga, ya’ni koronavirus avj olgan davrga to‘g‘ri kelgan bo‘lsa-da, oxir-oqibat hikoya erkaklar egoizmi, politsiya zo‘ravonligi va siyosiy o‘yinlar haqidagi tanqidiy satiraga aylandi.

Xalqaro prokat va festivaldagi muvaffaqiyatsizlik

Film na tanqidchilar, na tomoshabinlar tomonidan iliq qabul qilinmadi. Sharhlovchilarning fikricha “Eddington” haddan tashqari qimmat ish bo’lib, va syujet ba’zi o’rinlarda to’liq yakunlanmagan. The Guardian filmni " kino pyesasiga aylantirilgan yangiliklar lentasi"ga qiyoslagan bo'lsa, tomoshabinlarni filmning haddan tashqari uzoq davom etishi (2,5 soat) qoniqtirmagan.

Yulduzli aktyorlar va mashhur rejissyor tajribasiga qaramay, byudjeti 25 million dollar bo'lgan film butun dunyo bo'ylab bor-yo'g'i 12 million dollar daromad keltirdi.

Ikkinchi imkoniyat

Endilikda “Eddington” raqamli platforma orqali yangi imkoniyatni qo’lga kiritdi. Asosiy savol shundaki, film o'z auditoriyasini topadimi yoki Ari Asterning eng shov-shuvli muvaffaqiyatsizligi sifatida tarixga kiradimi?