Joriy yilning may oyida O‘zbekiston Ijtimoiy himoya milliy agentligi tomonidan zo‘ravonlikka duchor bo‘lgan bolalarning hayotiy hikoyalari asosida suratga olingan film taqdimoti o‘tkazildi.

Film rejissyori Lado Kvataniya bo‘lib, "Director's notes" uchun bergan intervyusida suratga olish jarayoni, jamoa, milliy agentlik bilan ishlash va klip g‘oyasi haqida gapirib berdi. “Haqqim bor” (“I have the right”) tashvishli, ammo dolzarb mavzuni oldinga suradi”, deb yozadi DN tahririyati.

Filmda bolalar miniatyura binolar – uylar, maktablar, bolalar bog‘chalarini ko‘tarib yurishadi. Ladoning aytishicha, bu "xotira qamoqxonasi" metaforasidir. Badiiy jamoa Toshkentning taniqli me‘morchiligidan foydalangan. Filmda har bir bino modeli zo'ravonlikning o'ziga xos ijtimoiy kontekstini aks ettiradi.

“Suratga olish jarayoni davomida shuni tushundimki, travma bolaning bir barchasiga aylanadi. Bolalar uni tom ma'noda yelkalarida ko‘tarib yurishadi", – deydi Lado.

Rejissyorning so'zlariga ko'ra, agentlik unga to'liq ijodiy erkinlik, shuningdek, bolalar zo'ravonlik holatlari bo'yicha barcha zarur ma'lumotlardan foydalanish imkoniyatini taqdim etgan.

Premyera 27-may kuni Toshkentdagi “Cinematica” kinoteatrida blogerlar va jamoat arboblari ishtirokida bo‘lib o‘tdi. Shu bilan birga, zo‘ravonlik qurbonlari va guvohlari uchun ishonch telefoni ishga tushirildi. Kvataniyaning ta'kidlashicha, eng muhimi - jamiyatning e'tiborini jalb qilish va muammo haqida ochiq muhokama boshlashdir.