QYZQARAS Film Festival 2025 shu yilning 22-31 avgust kunlari Qozog’istonda boʻlib oʻtadi. Tashkilotchilarning
taʼkidlashicha, ushbu mustaqil festival “ayollarning kino sohasidagi dunyo
qarashi”ni yoritib beradi.
Festival dasturida Qozog’iston ijodkorlarining
qisqa va toʻliq metrajli badiiy filmlari premyerasi, shuningdek, ilk bor
namoyish etilayotgan xorijiy filmlar o’rin olgan.
Festival doirasida Yana Skopina, Bota Koyliboyeva,
Malika Muxamedjan va Oygul Nurbulatovalar bilan ochiq ma’ruzalar, mahorat
darslari va munozaralar bo’lib o’tadi.
Dastur shuningdek, quyidagi loyihalarni ham
o‘z ichiga oladi:
- “Ko‘rinmas ayollar” (“Invisible Women”) — kino tarixida ayollarning ko’zga ko’rinmas, ayni vaqtda beqiyos mehnati haqidagi loyiha;
- “Osiyo kino kechasi” (“Asian Movie Night”) — Osiyolik ayol kino ijodkorlari bilan muloqot hamda yangi filmlar namoyishi.
“QYZQARAS” kino sanoatidagi ayol ijodkorlarni
qo‘llab-quvvatlash hamda, ularning qarashlarini jamoatchilik muloqotining bir
qismiga aylantirishni o’z oldiga maqsad qilib qo’ygan (Manshuq Media).
Filmlar premyerasi va maʼruzalar bepul boʻlib,
faqatgina roʻyxatdan oʻtish yetarli. Loyiha dasturi, joylar va batafsil
maʼlumotlar havolada keltirilgan.
Festival 2023-yildan beri Tselinny madaniyat
markazi va Fransiyaning Qozog‘istondagi elchixonasi tomonidan o’tkazib
kelinmoqda.