The Art Newspaper nashrining 2025-yil
reytingiga ko'ra, Erik Bulatov eng qimmat rus rassomlari ro'yxatida birinchi
o'rinni egalladi. Ilgari bu o‘rinni Ilya Kabakov egallagan edi, biroq rassom
2023-yilda vafot etishi bilan Bulatov yetakchilikni qo'lga kiritdi.
"KPSSga shon-sharaf" («Слава КПСС»)
(1975) asari 2008-yil fevral oyida Londondagi Phillips auksion uyi tomonidan 2
159 673 dollarga sotilgan - bu hali ham bir rassom uchun rekord summa
hisoblanadi.
Forbes
ma'lumotlariga ko'ra, Bulatov asarlarining umumiy qiymati qariyb 2,7 million
dollarni tashkil etadi.
Rassom haqida qisqacha
Erik Bulatov - Moskva kontseptualizmi va "sots-art"
harakatining asosiy namoyandasi. Rassom o’z uslubini "yangi turdagi rassomchilik"
deb ataydi. Bundan tashqari, "Stop" («Стоп»), "KPSSga
shon-sharaf" («Слава КПСС»), "Kirish - kirish yo'q" («Вход — нет
входа»), "Ozodlik - ozodlik" («Свобода — свобода») asarlari san’atkorga
katta mashhurlik olib kelgan.
Bulatov 91 yoshda ham san’at faoliyatini davom
ettirmoqda. 1980-yillarning oxiridan beri rassom Fransiyada yashaydi. Uning
asarlari dunyoning eng yirik muzeylarida, jumladan, Pompidu markazi va
Tretyakov galereyasida namoyish etilgan.