Buxoro Biennali (Bukhara Biennial) – Buxoroda boʻlib oʻtadigan birinchi yirik xalqaro zamonaviy sanʼat forumi.

Biennial mavzusi: “Singan qalblar uchun tavsiyalar” (“Recipes for Broken Hearts”). Afsonaga ko’ra, Ibn Sino hukmdorga taskin berish uchun maxsus taom o’ylab topadi. Biennial konsepti ushbu afsonadan ilhomlangan boʻlib, sanʼat orqali shifo topish ramzidir.

Sana: 2025-yil 5-sentyabridan 20-noyabrigacha.

Biennaleda O‘zbekiston va Markaziy Osiyo rassomlari va hunarmandlari hamkorligida yaratilgan 70 dan ortiq badiiy loyihalar namoyish etiladi. Shuningdek, vizual instalyatsiyalar, hunarmandchilik ko’rgazmalari, spektakllar, musiqa, sheʼriyat, ustaxonlar, simpoziumlar ham bo’lib o’tadi.

Platforma: YuNESKOning Butunjahon merosi roʻyxatiga hamda ijodiy shaharlar tarmogʻiga kiritilgan Buxoro tarixiy markazi.

Manzil: “Xoʻja-Govkushon” ansambli, Ayoz, Ahmadjon, Fathullajon karvonsaroylari, Abdurashid madrasasi, Minorayi Kalon, Mag’oki-Attori masjidi, Fayzulla Xoʻjayev uy-muzeyi va boshqalar.

Ish vaqti: seshanbadan yakshanbagacha: sentyabr oyida soat 10:00 dan 22:00 gacha; oktyabr-noyabr oylarida - 20:00 gacha. Ochiq ko'rgazmalarga kuniga 24 soat kirish mumkin.

Tadbir O‘zbekiston Madaniyat va San’atini Rivojlantirish Jamg‘armasi tomonidan tashkil etilmoqda. Loyiha komissari - Gayane Umerova, bosh kurator - Diana Kempbell, me’mor Venetsiya Biennalesining “Oltin sher” sovrindori Voel Al Avar.