Ko‘rgazma 28-sentyabrdan 8-fevralgacha davom etadi.

Ekspozitsiyada aktrisaning shaxsiy buyumlari: mashhur liboslari va oilaviy relikviyalari namoyish etiladi. Fotograf Tom Uoker aktrisaning uyini, Joanna Hogg esa Londondagi kvartira interyerini rekonstruksiya qiladi. Ko‘rgazmada, shuningdek, Derek Jarmanning arxiv materiallari ham namoyish etiladi.

Loyiha aktrisaning ijod yo’lini aks ettiradi. Asosiy mavzular: san'at, xotira va Swintonning ishiga bo’lgan munosabati.

Ko‘rgazma fransuz moda tarixchisi Olivye Sayyar tomonidan tayyorlangan bo’lib, Swintonning o’zi esa loyihaning hammuallifi sifatida ishtirok etmoqda. Tashkilotchilar ko‘rgazmani “biografik namoyish” emas, balki “aktrisaning o’zi bilan hamkorlik” deb ta'riflaydi.

Loyihaning yaratilishida Pedro Almodovar, Luka Guadanino, Jim Jarmush va Apichatpong Virasetxakul kabi rejissyorlar ham ishtirok etmoqda.