Yodgorlik qamalda qolgan shahar aholisiga ko‘rsatilgan yordam va urush yillaridagi qahramonliklari uchun o‘zbek xalqiga minnatdorchilik ramzi hisoblanadi.

Yodgorlik plitalarida Leningrad qamali, shahar aholisi va harbiylarining og’ir sinovlari, shuningdek, O‘zbekistonning evakuatsiya va aholiga yordam ko‘rsatishdagi roli haqida matnlar bitilgan.

Yodgorlik mualliflari – Sankt-Peterburglik haykaltaroshlar Anatoliy va Lada Chernovlardir. Loyiha Sankt-Peterburgning Tashqi ishlar qo‘mitasi hamda Leningrad mudofaasi va blokadasi davlat yodgorlik muzeyi tomonidan tayyorlangan.

Marosimda Sankt-Peterburg gubernatori Aleksandr Beglov, Toshkent hokimi Shavkat Umurzoqov, Leningrad qamali faxriylari va Rossotrudnichestvo vakillari ishtirok etdi.

Toshkent hokimi Shavkat Umurzoqov yodgorlikning kelajak avlodlar uchun qahramonlik va birdamlik qadriyatlarini xotirlash yeriga aylanishiga umid bildirdi.