Qo‘qondagi festivalda O‘zbekistondan 400 dan ortiq ustalar, shu bilan birga, 70 dan ortiq davlatdan kelgan hunarmandlar ham ishtirok etadi. Mehmonlar ko'rgazmalar, savdo rastalari, mahorat darslari, moda namoyishlari, folklor konsertlari, pazandachilik tanlovlari va ekskursiyalardan bahramand bo'lishadi. Xalq amaliy san’ati va hunarmandchiligini rivojlantirish istiqbollariga bag‘ishlangan anjumanga ham alohida e’tibor qaratiladi.

Festival allaqachon mintaqaning tashrif qog'oziga aylangan bo’lib, har yili dunyo mamlakatlaridan minglab mehmonlarni jalb qilmoqda. Bu yil ham rekord darajadagi ishtirokchilar soni kutilmoqda.

Rishtonda, mashhur kulolchilik sanʼati markazida maxsus forum o‘tkaziladi. Tadbirda ustalar sohada yangi innovatsiyalarni muhokama qilish bilan birga, amaliy mahorat darslarini o‘tkazadilar va noyob kulolchilik kolleksiyalarini taqdim etadilar.

Har ikkila tadbir ham O‘zbekiston hunarmandchilik merosini ommalashtirish, xalqaro aloqalarni mustahkamlash va turizmni rivojlantirishga qaratilgan. Tashkilotchilarning ta’kidlashicha, an’analar va zamonaviy yondashuv uyg‘unligi festivallarni yilning asosiy madaniy voqealariga aylantiradi.