Afsonaviy tennischi Boris Bekker Britaniya qamoqxonalaridagi tajribasi haqida memuar kitobini taqdim etdi

Germaniyalik tennischi Boris Bekker “Inside. Winning – Losing – Start Again” ("Ichkarida. G‘alaba qilish – Yutqazish – Qayta boshlash") nomli yangi kitobini taqdim etdi. Unda sportchi Britaniyaning Wandsworth va Huntercombe qamoqxonalarida o‘tkazgan yetti oy muddat haqida batafsil ma'lumot beradi.

Getty Images

2022-yil aprel oyida “Katta Dubulg‘a” turnirlarning olti karra g‘olibi bankrotlik to‘g‘risidagi aktivlarini yashirgani uchun qamoq jazosiga hukm qilingan edi.

Sportchi o‘z xotiralarida qamoqxonadagi og‘ir sinovlar, tungi dahshatlar, kameradoshlar tahdidi va boshqa qiyinchiliklarni tasvirlaydi. Shunga qaramay, yaqinlari uni hatto qamoqxonada ham birdamlik bilan qo'llab-quvvatlashgan.

Kitob nafaqat uning boshidan kechirgan xotiralari, balki o’z xatolari, shon-shuhrat va boylik bahosini tasvirlaydi. "Bu hayotimdagi eng og'riqli bob edi", - deb tan oladi tennischi.

Bekker 2022-yil dekabr oyi boshida xorijlik mahbuslar uchun maxsus dastur doirasida muddatidan oldin ozodlikka chiqarildi. Bugun esa sportchi ijtimoiy hayotga qaytishga va o‘z tajribasi bilan o‘rtoqlashishga tayyor.

Tanqidchilar memuarni mashhur sportchi faoliyatidagi eng shaxsiy va haqqoniy kitob deb atashadi.

Shu mavzudagi maqola "Pulp Fiction: panjara ortida yozilgan 5 ta eng mashhur kitob". Qamoqda yozilgan adabiyotlari haqida birga hikoya qilamiz.

Teglar:Dunyo
Ulashish:

Shuningdek o‘qing

Yangiliklar

HD tahririyatidan maktub

Haftada bir marta Markaziy Osiyoning eng yaxshi materiallari, voqealari va madaniy kashfiyotlarini yuboramiz.