Besh kun davomida mehmonlar ma’ruzalar, mahorat darslari, suhbatlar, filmlar namoyishi va ijodiy laboratoriyalarda qatnashish imkoniga ega bo’lishadi. Festival maqsadi – jamiyatning har bir inson uchun inklyuziv ekanligini isbotlash.

Xalqaro ma’ruzachilar qatorida Kanadalik inkluziv dizayn eksperti Moisen Mahjubnia va Britaniyalik Studio Weave asoschisi arxitektor Je Ahn bor. Ular shahar landshaftlarini yaratish va loyihalash bo‘yicha master-klasslar o‘tkazadilar.

“Ochiq qalblar” oilani qo’llab-quvvatlash markazi mutaxassislari Tatyana Balchukova va Anastasya Titova yordamga muhtoj shaxslar bilan ishlash bo‘yicha uch kunlik intensiv dasturni taqdim etadilar.

Festivalda Brayl alifbosi bo‘yicha mashg‘ulotlar, tiflokommentariyalar, imkoniyati cheklangan musiqachilar kontserti va bolalar uchun tayyorlangan dasturlar ham tashkil etiladi.

Kun oxirida esa kinofilmlar namoyishi va musiqiy chiqishlar, jumladan, “Bu Qala” guruhining yangi taronasi taqdimoti o‘tkaziladi.

"Hamnafas" so‘zi o‘zbek tilida "birga nafas olmoq", majoziy ma’noda esa “fikrdosh bo’lmoq” ma’nosini bildiradi. Ko‘plab tadbirlar butch oila uchun mo’ljallangan.

Festival o‘zbek, rus va ingliz tillarida o’tkaziladi. Murojaat asosida sinxron tarjima ta’minlanadi. Barcha tadbirlarga kirish bepul, faqatgina oldindan ro‘yxatdan o‘tish talab etiladi.