Bu san’atkor va uning Dornabanda'sining sakkiz yillik tanaffusdan keyingi birinchi katta plastinkasi. 2017-yilda chiqarilgan avvalgi "OTD (Open The Dorn)" albomi uning musiqiy faoliyatidagi muhim bosqich bo‘ldi.
"Asosiysi, ichimdagi bolalik o‘zagi hech qayerga ketmadi va umrimning oxirigacha ketmaydi", — deydi musiqachi.
Dornning so‘zlariga ko‘ra, "Dorndom" ustida ishlash 2021-yilda boshlangan, biroq "ma’lum voqealar" tufayli loyiha "tokchaga qo‘yilgan" va bir necha yilga muzlatilgan. Endi albom barcha raqamli platformalarda, shu jumladan Bandcamp’da mavjud bo‘lib, uni yuqori sifatda sotib olish va san’atkorni donat bilan qo‘llab-quvvatlash mumkin.
Albom yaratilishi haqida
"Dorndom" jonli, metronomsiz va analog uskunalar yordamida yozilgan — treklarning aksariyati aynan shu formatda ijro etilgan. Barcha bas partiyalarini Dorn shaxsan o‘zi yozib oldi.
Masteringni afsonaviy Berni Grandman — Maykl Jekson, Prince, Red Hot Chili Peppers va Dr. Dre bilan ishlagan Grammy mukofoti sovrindori amalga oshirdi. Bek-vokalni Olga Chernisheva ("O" guruhi) yozgan, albomni yozish uchun esa ikki yil kerak bo‘ldi.
Dornabanda va tur
"Dorndom"da Ivan Dorn va uning jamoasi har biri o‘z rolini o‘ynaydigan audio spektakl ishtirokchilari sifatida namoyon bo‘ladi.
2026-yil bahorida albomni qo‘llab-quvvatlash uchun xalqaro tur boshlanadi. Loyiha teatr va opera zallarida musiqiy spektakl sifatida namoyish etiladi. Turning birinchi shahri Parij bo‘ladi, konsertlarning aniq sanalari keyinroq e’lon qilinadi.
"Dorndom" albomi allaqachon barcha raqamli platformalarda mavjud.
