Bu yilgi festival Yevropa Ittifoqi va O‘zbekiston o‘rtasidagi madaniy muloqotning o‘n yilligini nishonlaydi, til va geografik farqlarga qaramay, u insonlarning taqdiri bir-biriga qanchalik yaqin bo‘lishi mumkinligini isbotlaydi.

Yubiley festivali dasturiga she’riy dramalar va ilhomlantiruvchi tarjimayi hollardan tortib zamonaviy komediyalar va falsafiy mulohazalargacha bo‘lgan mavzularni qamrab olgan Yevropaning 12 davlatidan 12 ta film kiritilgan.

Festival Yevropa Ittifoqining O‘zbekistondagi delegatsiyasi va YeIga a’zo davlatlar elchixonalari tomonidan O‘zbekiston Respublikasi Kinematografiya agentligi ko‘magida tashkil etilmoqda. Barcha namoyishlar bepul, filmlar esa o‘zbek va/yoki rus tillarida subtitrlar bilan asl tillarda namoyish etiladi.