Noyabr oyi boshidan Toshkentdagi Fransiya alyansi binosi yopildi, u yerda jamoa iyun oyidan beri ishlab, mustaqil teatr hamjamiyatini yaratgan holda, spektakllar namoyish etib kelgan edi.
Aktyorlar va rejissyorlar yangi spektakllar tayyorlayapti, eskilarini tiklab, qayta ishlayapti, gastrollar va namoyishlar bo‘yicha muzokaralar olib boryapmiz. Ammo bitta katta muammomiz bo‘lmaganida… hammasi ko‘ngildagidek kechardi.

Teatr ishtirokchilari

Teatr jamoasi ijodiy erkinlik va mustaqillik muhitini texnik va senzura cheklovlarisiz saqlab qolish imkonini beradigan maydonni izlayotganini ta’kidlaydi. Tomoshabinlar va san’atkorlar uchun qulaylik ustuvor bo‘lib qolmoqda.
Teatr mustaqil san’atni qo‘llab-quvvatlayotgan barcha do‘stlar, tomoshabinlar va sheriklariga minnatdorlik bildirar ekan, Toshkent markazida yangi zal topishda yordam bera oladiganlarni hamkorlikka chorlayapti.
Doimiy manzil izlash ishlari bilan birga spektakllar davom etyapti — jamoa do‘stlarining sahnasida namoyishlar o‘tkazib, yangi spektakllarni tayyorlayapti.
«Boshqa hayvonlar» teatrining ijtimoiy tarmoqlardagi rasmiy sahifalari orqali afishalarni kuzatib borish va yordam taklif qilish mumkin.