Taqdimotda mustaqil tadqiqotchi, san’atshunos va PhD doktor Yuliya Sorokinaning ma’ruzasi tinglandi, u Baxit Bubikanovaning usuli, vizual tili va ijodiy merosi haqida so‘zlab berdi.

Baxit Bubikanova o‘z avlodining eng mashhur rassomlaridan biri: uning amaliyotida jasorat, ijtimoiy voqelikka e’tibor, shakl va materiallar bilan ishlash tajribasi, shuningdek, nozik kinoya tuyg‘usi uyg‘unlashgan.

Uning asarlari Qozog‘iston va xorijda bir necha bor namoyish etilib, xalqaro maydonda Markaziy Osiyo san’ati haqida yaxshi tasavvur uyg‘otgan.

“Mo‘jiza” installyatsiyasi rassomning so‘nggi asarlaridan biri bo‘lib, uning vizual va kontseptual uslubi mohiyatidir. Asarda ijodkor tilining asosiy xususiyatlari: bo‘shliq bilan ishlash, g‘ayritabiiylik, bezakdorlik, mifologik mavzular, kollaj va dekollaj taxnikasi, ramzlarning takrorlanishi va ataylab o‘ylab topilgan “bema’nilik” elementlari birlashtirilgan.

Markaziy shakl sifatida “erkinlik fazosi”ga olib boradigan asosiy portal xizmat qiladi, bu yerda orqa devor kesilgan matolardan iborat. Konstruksiyaning orqa tomonida tomoshabinlar uch o‘lchovli obyekt – impulsiv va o‘yin shaklidagi yorqin pushti yulduz ramzini ko‘rishadi, Bubikanova undan o‘z ishlarida ko‘p foydalangan.

“Mo‘jiza” namoyishi nafaqat badiiy voqea, balki o‘ziga xos xotira kechasiga aylandi. Barchaga Markaziy Osiyoning yosh rassomlariga g‘oyalari bilan hamon ta’sir ko‘rsatib kelayotgan Baxit Bubikanovaning ijodiy kuchini eslatdi.