Bu jamoaning uchinchi ko‘rgazmasi bo‘lib, u birinchi marta nogironligi bo‘lgan shaxslarda ijodiy ko‘nikmalarni rivojlantirish bilan shug‘ullanadigan tashkilot bilan hamkorlikda o‘tkazilmoqda.

Loyiha inklyuziv xab talabalari tomonidan yaratilgan Toshkentning Eski shahar qismi vizual tadqiqotidir. Bir necha hafta davomida ishtirokchilar fotosuratchilar Ildar Sadikov va Sergey Pogosyan rahbarligida bitta hududda ishlab, uning tuzilishi, odamlari va hudud muhitini o‘rganib chiqdi.

Umumiy boshlang‘ich nuqtaga qaramay, har bir muallif o‘ziga xos vizual kuzatuv tilini yaratdi: ba’zilari aholining his-tuyg‘ulari va fe’l-atvoriga, boshqalari esa me’morchilik an’analari, devorlar va tor ko‘chalarning tuzilishiga e’tibor qaratdi.

Ko‘rgazmaning ochilishi

8-dekabr — ko‘rgazmaning rasmiy ochilish marosimi bo‘lib utadi, tashkilotchilar unga barcha xohlovchilarni taklif qilmoqda.

Qayerda: Community Coffee Bar, O‘qchi ko‘chasi, 3 (Tashkent City).

Ekspozitsiya 2025-yil 7-13-dekabr kunlari namoyish etiladi.