Jon Legend — hozirgi davrning eng muvaffaqiyatli va nufuzli ijodkorlaridan biri bo‘lib, uning soul, R&B va pop janridagi musiqasi butun dunyo bo‘ylab millionlab tinglovchilar yuragini zabt etgan. Legend ko‘plab nufuzli mukofotlar sohibi: u 13 ta Grammy haykalchasi va bittadan Oskar, Emmi hamda Toni mukofotiga sazovor bo‘lgan, bu esa uni ushbu sohadagi eng oliy mukofotlarning to‘liq to‘plamiga ega bo‘lgan kam sonli ijodkorlardan biriga aylantiradi.

Karyerasini Legend pianinochi va qo‘shiq muallifi sifatida boshlagan. Eng katta muvaffaqiyatni  unga 2004 yilda chiqqan Get Lifted debyut albomi olib kelgan. Huddi shu albom uchun u birinchi nufuzli “Grammy” mukofotini olgan. Keyingi yillarda u bir qator xitlarni yaratdi, jumladan, butun dunyoga mashhur bo‘lgan All of Me balladasini, bu qo‘shiq ko‘plab musiqa ommaviy axborot vositalari talqiniga ko‘ra o‘n yillikning eng mashhur qo‘shiqlaridan biriga aylandi. 2015 yilda reper Common bilan birga Legend Selma filmi uchun Glory trekini yozdi, bu qo‘shiq Eng yaxshi asil qo‘shiq nominatsiyasida “Oltin globus” va “Oskar” mukofotlarini oldi.

Uning eng ko‘zga ko‘ringan loyihalardan biri La La Land (2016) mashhur musiqiy filmdagi ishtiroki bo‘ldi, unda Legend musiqachi va jazz-klub egasi Kit rolini ijro etdi — bu obraz jazda an’ana va zamonaviylik o‘rtasidagi dialogni ifodalaydi. Film xalqaro miqyosda keng e’tirof etildi, prokatda eng ko‘p sotilgan filmga aylandi va oltita Oscar mukofoti hamda ko‘plab boshqa mukofotlarga sazovor bo‘ldi.

Tashkilotchilar butun Markaziy Osiyo aholisini ushbu noyob musiqiy chiqishga taklif qilmoqda va mintaqaning madaniy hayotida tarixga kiradigan voqeaning bir qismiga aylanishga chaqirmoqda.