Filmning markaziy syujeti Ostona shahrida autizm spektrining buzilishi qayd etilgan bolalarning velomashqlariga bag'ishlanadi. Bu ular uchun nafaqat sport mashg'uloti, balki atrof-muhit bilan o'zaro munosabat qilish usuliga aylanadi. Muntazam mashg'ulotlar orqali bolalar o'z tanasini yaxshi  boshqarishni o'rganadi, diqqat jamlash ko'nikmasini rivojlantiradi va tashxis natijasida kelib chiqadigan ijtimoiy yakkalanish hissini asta-sekin yengib o'tadi.

Velosport jamoasining ko'plab tarbiyalanuvchilari, ayniqsa Joli'mbet qishlog'ida yashovchilar uchun mashg'ulotga borish katta kuch talab etadi: ular haftasiga ikki marta poytaxtga kelish uchun 100 kilometr masofani bosib o'tadi. Bu mashg'ulotlarning muhimligi bolalarning harakatlarida ham tasdig‘ini topmoqda: ota-onalarning ta'kidlashicha, bolalar mashg'ulotlardan oldin o'zlari sport sumkalarini yig'adi va hatto dam olish kunlarida ham sport kiyimlarini kiyadi.

Filmning markaziy qahramonlaridan biri murabbiy va sport ustasi Qayrat Xaldibek bo'ldi. U o'zini nogiron bolalar bilan ishlashga bag'ishlagan. Film sabr va izchillik, professionallik va chuqur insonparvarlikning uyg‘unlashuvi haqidgi hikoyadir. Xaldibekning aytishicha, bu ish uning uchun shaxsiy ahamiyatga ega, chunki o'zi shu kasallikka yo‘liqqan nogiron singlisini yo'qotgan va nogiron bolalar bilan shug‘ullanishni sport tayyorgarligidan ancha afzal vazifa sifatida ko'radi.

Tomoshabinlarning birinchi fikr-mulohazalari filmining hissiy jihatdan og‘ir ekanligini ko‘rsatmoqda. Premyera namoyishlaridan so‘ng, autizmga chalingan bolalarning ota-onalari ijtimoiy tarmoqlarda shaxsiy hikoyalari bilan bo‘lishmoqda, tomoshabinlar esa filmni ta’sirchan, yaxshilikka eltuvchi va samimiy deb atamoqda. Ko‘pchilik bu kartina ularga autizmi bor bolalarni tarbiyalayotgan oilalar hayotiga e’tiborli  bo‘lishga va inklyuziyaga o‘z munosabatlarini qayta ko‘rib chiqishga yordam berganini ta’kidlamoqda.

Bu film, autizmga chalingan bolalarga yordam berish sohasida o‘n yildan ortiq vaqt davomida tizimli ish olib borayotgan Bulat Utemuratov Jamg‘armasi tomonidan qo‘llab-quvvatlandi. 2014-yildan beri "Avtizm. Dynyo hammamiz uchun bitta" dasturi doirasida Qozog‘istonning 12 shahrida 13 ta "Asil Miras" markazlaridan iborat tarmoq faoliyat yuritmoqda. Shu vaqt mobaynida 20 mingdan ortiq bolaga yordam ko‘rsatildi.