Hélène Mercier 1960-yilda Monrealda dunyoga kelgan. U olti yoshida klassik musiqa olamiga kirishni boshladi. Uning ta'lim yo'li Vena musiqa akademiyasi, Nyu-Yorkdagi Julliard maktabi va Parijdagi Milliy konservatoriya kabi dunyoning eng nufuzli konservatoriyalari orqali o'tdi. Faoliyati davomida pianinochi, Praga xalqaro kamera musiqasi tanlovida g'olib chiqib, nufuzli hakamlar hay'atining e'tirofini qozondi.

Julian Rachlin karyerasining boshlanishi ham taassurotli: Vilnyusda tug'ilgan va o'n uch yoshidayoq Vena Filarmoniya Orkestri tarixidagi eng yosh yakkaxon sifatida afsonaviy dirijyor Riccardo Muti rahbarligida sahnaga chiqqan. 1988 yilda, hali yigitligida, u Eurovision tanlovining eng yaxshi yosh musiqachisi sifatida tan olingan, bu esa unga dunyo musiqa sahnalari eshiklarini ochdi. 

Ushbu konsertni tashkil etish tashabbusi so‘nggi yillarda dunyoning klassik va zamonaviy musiqasi yulduzlarini faol jalb qilib kelayotgan O‘zbekiston Madaniyat va san’atni rivojlantirish jamg‘armasiga tegishli. Pianinochi va skripkachi konserti kamdan-kam uchraydigan yirik madaniy voqea bo‘lishi va’da qilinmoqda – bu butun dunyoda e’tirof etilgan ikki musiqachining uchrashuvi bo‘ladi.