The Aural Sea deb nomlangan ekspozitsiya jamoatchilik uchun 2026 yil 9 maydan 22 noyabrgacha ochiq bo'ladi.
Pavilyon konsepsiyasining markazida ekologik o'zgarishlarga javob berish va Qoraqalpog'istondagi Orol dengizi mintaqasidan o'rganish usuli sifatida mif yaratish va storitelling (quruq faktlar orqali emas, balki hikoyalar orqali mahsulot haqida gapirish usuli) joy olgan. ACDF eslatib o'tadi: 1960-yillardan boshlab daryolar suvini qishloq xo'jaligi yerlarini sug'orish uchun keng miqyosda ishlatish natijasida Orol dengizi hajmining 90% dan ortig'ini yo'qotdi va dunyodagi eng yirik ichki suv maydonlaridan biri cho'l landshaftiga aylandi.
Pavilyonni beshta kurator: Sophie Mayuko Arni, Aziza Izamova, Kamila Muxiddinova, Nico Sun va Thai Ha jamoasi nazorat qiladi. Kuratorlar birlashmasi Bukhara Biennial Curatorial School - Gayane Umerova buyurtmasi va Delfina Foundation bilan hamkorlikda birinchi Buxoro biyennalesining badiiy direktori Diana Kempbellning mentorlik ko‘magida shakllangan ACDF tashabbusi bilan tashkil etildi.
The Aural Sea loyihasi Jahongir Bobokulov, Zi Kakhramonova, Aygul Sarsen, Zulfiya Spowart, Xin Liu, A.A.Murakami va Nguyen Phuong Linhning asarlarini taqdim etadi. Rassomlar o‘z ishlarida installyatsiya, interaktiv formatlar va rasm chizish bilan shug‘ullanishlari, ularning amaliyotlari esa ilmiy modellashtirishdan folklor tasavvurigacha, monumental to‘qimachilikdan nozik hunarmandchilik ishigacha bo‘lgan yo‘nalishlarni qamrab olishi ma’lum qilinadi.
Ko'rgazma, ayniqsa Aral Culture Summit va yaqinda ochilgan Aral School orqali, jamg'armaning Orol dengizi mintaqasi bilan uzoq muddatli ishlashiga tayanadi. E'lon matnida, kuratorlarning ta'kidlashicha, 2015-yilda "Orol dengizini hayotga qaytarish mavzusini chizishni boshlagan" Qoraqalpog'istonlik muallif Allayar Darmenov ham eslatib o'tiladi. Bu esa tasavvur g‘oyasini ilgari suradi: bu yerda hikoya qilish voqelikdan qochish emas, balki yo‘qotishlarni boshdan kechirish va mumkin bo‘lgan kelajakni izlash vositasi sifatida taklif etiladi.