Karim Hakimovich Bahriyev 1962-yil 15-iyulda Samarqand viloyati Urgut tumanida tug‘ilgan. 1985-yilda Moskva davlat universitetining jurnalistika fakultetini tamomlagan. U hokimiyat bilan maqtov emas, balki tanqid tilida gaplashgan kam sonli jurnalistlardan biri edi.

1990-yillarning boshida u "Hurriyat" gazetasining bosh muharriri bo'ldi. Bu gazeta o‘sha davr matbuotining katta qismi jim turgan bir paytda narsalarni o‘z nomi bilan atagan edi. O‘zbekiston parlamenti birinchi chaqiriq deputati (1990-1995) sifatida u mamlakatni o‘zgarishga majbur qilgan voqealarni ichkaridan ko‘rgan va ularga guvoh bo‘lgan.

Bahriyev oʻzbek tilidagi "Sabr kosasining siniqlari", "Tomchidil", "Demokratiya va inson huquqlari", "Jurnalistning huquqlari, majburiyatlari va mas'uliyati" kitoblar muallifi. U Seneka, Platon, Montenning falsafiy asarlarini, Oruellning romanlarini tarjima qilgan. 

Shuningdek, u O‘zbekiston Jurnalistika va ommaviy kommunikatsiyalar universitetida uzoq yillar dars bergan. "Oltin meros" xalqaro xayriya jamg'armasining axborot xizmatini boshqargan.

HD magazine tahririyati Karim Bahriyevning oilasi va yaqinlariga samimiy hamdardlik bildiradi.