Festival tashkilotchisi, xalqaro bolalar ijro san'ati sohasida ko'p yillik tajribaga ega prodyuser, murabbiy va ijodiy rahbar Milana Zingermanning so'zlariga ko'ra, festivalda 7 dan ortiq mamlakatlardan bolalar, shuningdek, AQSh, Yevropa va Osiyodan mehmonlar ishtirok etadi. Hafta davomida ishtirokchilarni mahorat darslari va katta sahnada chiqishlar kutmoqda. Ishtirokchilar yoshi: 5 yoshdan 20 yoshgacha, geografiya: chegarasiz, ariza topshirish muddati: 2026-yil 21-aprel.
Festival mehmonlari - butun dunyodan kelgan xalqaro ustalar, jahon sahnasi yulduzlari, taniqli xoreograflar, vokalchilar, aktyorlar va top-modellardir. Bolalar kinoda va yirik sahnada koʻrgan taniqli shaxslar bilan birga sahnaga chiqish imkoniyatiga ega boʻladi. Taklif qilingan mehmonlar orasida: amerikalik aktyor Kirk Baltz (Tarantinoning "Quturgan itlar" filmi) va amerikalik jazz va soul vokalchisi Karl Frierson. Ular birinchi marta eksklyuziv tarzda Markaziy Osiyo bolalari uchun mahorat darslarini oʻtkazadilar.
Bosh mukofot: Alanga Fest 2027 Elchisi unvoni va festivalga bir yil davomida vakillik qilish imkoniyati. Har bir yosh toifadagi g‘olib 26 aprel kuni Magic City Parkda bo‘lib o‘tadigan grand-finalga yo‘llanma va “Alanga Stars 2026” raqamli sertifikatini oladi. Alohida nominatsiya: “ALANGA STARS CHALLENGE 2026”. Chellenjda ishtirok etish faqat TikTok yoki Instagram Reels orqali onlayn tarzda amalga oshiriladi. Festivalning final bosqichi 26 aprel kuni Magic City Parkda bo‘lib o‘tadi.