Festivalning dastur direktori Ivan Kudryavsevning so‘zlariga ko‘ra, bu yil ko‘rik dasturlarida 200 dan ortiq film e’lon qilingan. Umuman olganda, 43 mamlakatdan 1500 ta ariza topshirilgan. Festivalda 19 ta namoyish jahon premyerasi bo‘ladi. Asosiy tanlovga 13 ta film kiritilgan.

"...XMKFda demokratiya g'olib: bu yerda 'bir mamlakat — bir film' tamoyilidan voz kechilgan. Shuning uchun ikki ispan, ikki italyan va ikki janubiy koreya filmi ishtirok etmoqda... O'zbekiston kinematografiyasi esa g'alati holatlar tufayli "o'yin tashqarisida"' qolmoqda" - deb yozadi Nа Vostoke ne vsyo kak kajetsya telegram-kanali.

Shunga qaramay, Markaziy Osiyo Tojikistonning “Qarmoqdagi baliq” filmi bilan namoyish etildi. Film rejissyori - Muhiddin Muzaffar, ssenariy muallifi - Baxtiyor Karimov. Kartina Dushanbeda bo‘lib o‘tgan ikkinchi “Toji Somon” xalqaro kinofestivalida Gran-prini qo‘lga kiritgan. Bu tojik va eron kinematografchilarining hamkorlikdagi ishidir.

Asosiy tanlovni Shri-Lankalik rejissyor Prasanna Vithanage raisligidagi hakamlar hay’ati baholaydi. Hakamlar hay’atiga aktrisa Darya Yekamasova, rejissyor Ivan Tverdovskiy, turk prodyuseri Mahmut Fazil Joshkun, xitoylik aktrisa Tsin Sha va ispan rejissyori Xaver Rebollo kiradi.

Festival 23-aprel kuni yopiladi.