Qozog‘istonda ko‘zi ojizlar va zaif ko‘ruvchilar uchun audiokitoblar paydo bo‘ldi

Qozog‘istonda bugungi kunda kitobxonlik madaniyatini rivojlantirishga katta e’tibor qaratilmoqda. Hatto bu haqida mamlakat prezidentining tegishli farmoni ham paydo bo‘ldi. Hujjatda kitobxonlik madaniyatini rivojlantirish madaniyat va ta’lim sohasidagi davlat siyosatining ustuvor yo‘nalishi etib belgilangan.

"Oltin fond" loyihasi to‘plamiga mahalliy yozuvchi va shoirlarning she’riy va nasriy asarlari kiritildi. Audiokitoblar disk va fleshkalarda mavjud, shuningdek, ularni QR-kod orqali ochish mumkin. Kutubxonada kelajakda taniqli qozog‘istonlik mualliflar to‘plamini ishga tushurish rejalashtirilgan.

Tarazlik Yerbol Begimovning aytishicha, ko‘rish qobiliyati cheklangan ko‘plab insonlar uyda ishlaydi: "Biz asosan qo‘l mehnati bilan shug‘ullanamiz, shuning uchun har doim ham kitob o‘qishga vaqt ajrata olmaymiz. Audiokitoblar - yaxshi yechim. Audioyozuvni eshitish va bir vaqtning o‘zida ish bilan shug‘ullanish mumkin. Muallifning ovozini eshitganingizda, jonli muloqot hissi paydo bo‘ladi," - deydi u.