16-apreldan 23-aprelgacha shaharda hammasi bo‘ladi: organ konsertlari va kino premyeralari, lavanda hidli bozorlar va atir yasash bo‘yicha mahorat darslari, Stiv Forbes ishtirokidagi iqtisodiy sammit hamda sababsiz o‘tkaziladigan kechalar. HD magazine eng yorqin tadbirlarni jamladi - kayfiyatingizga qarab tanlang.
Fransua Shaplen konserti
Qachon: 16-aprel, soat 19:00
Qayerda: Davlat konservatoriyasi
Fransua Shaplen - Fransiyaning eng iste’dodli pianinochilaridan biri bo‘lib, Motsart va Rober Kazadezyus mukofotlari sohibi. Uning ijrosi jahon klassikasini mahorat va noziklik bilan ijro etishi sabab ajralib turadi. U Lill, Sankt-Peterburg va Yaponiya orkestrlari bilan sahnaga chiqqan.
Kirish: 77 000 so‘mdan
* * *
"Vodillik kelin" premyera-kechasi
Qachon: 16-aprel, 21:00
Qayerda: Nukus 89
Ali Hamrayevning mashhur "Vodillik kelin" filmi 40 yilligiga bag‘ishlangan hujjatli filmning yopiq namoyishi, maxsus kokteyller va film rejissyorlari hamda qahramonlari bilan suhbat. Soat 21:00 dan boshlab kecha barcha istaganlar uchun ochiq bo‘ladi — mehmonlarni DJ-set va asl filmni "soqov kino" formatida tomosha qilish kutmoqda.
Soat 21:00 dan kirish erkin
* * *
Jazz Cruise Band yakkaxon akustik konserti
Qachon: 18-aprel, soat 19:00
Qayerda: Community Coffee Bar
Jaz balladalari, jo‘shqin sving va sevimli musiqalar hamda kinofilmlardan olingan kuylar - Jazz Cruise Band juma kechasini jonlantiradigan o‘zlarining akustik aranjirovkalar dasturi bilan chiqish qiladi.
Kirish: 150 000 so‘m
* * *
Stiv Forbes va CAU Technical Summit ma’ruzasi
Qachon: 19-aprel, 10:00
Qayerda: Central Asian University
Forbes bosh muharriri Stiv Forbes birinchi marta Toshkentda! U global iqtisodiy tendensiyalar, samarali yetakchilik va Markaziy Osiyoning kelajagi haqida so‘zlab beradi. Sammitda Korzinka.uz bosh direktori Zafar Hoshimov, MuzzOne egasi Armanjan Baytasov, PepsiCo direktori Shuhrat Ergashev va mintaqaning boshqa biznes yetakchilari ham so‘zga chiqadi.
Kirish: 500 000 so‘mdan
* * *
"Parij xotiralari" filmining namoyishi
Qachon: 19-aprel, soat 19:30
Qayerda: kinoxona
Alisa Vinokur rejissyorligidagi drama 2015-yil 13-noyabrda Parijda sodir bo‘lgan terroristik hujumlardagi real voqealarga asoslangan. Bu film omon qolganlarning ta’sirli hikoyasi va shaxsiy xotiralar orqali ruhiy jarohatlar bilan kurashishni tasvirlaydi.
Kirish: 50 000 so‘mdan
* * *
Jan-Batist Robin ijrosi
Qachon: 19-aprel, 19:00
Qayerda: Davlat konservatoriyasi
Berlin va Parij filarmoniyalari, shuningdek, Mariin teatri sahnalarida chiqishlar qilgan dunyoga mashhur fransuz organchisi va bastakorining konserti. Jan-Batist Robin Toshkentga o'ziga xos musiqiy dastur va dunyoning eng yirik konsert zallari muhitini olib keladi.
Kirish: 275 000 so‘m
* * *
"Teplo" mahalliy brendlar bozori
Qachon: 19-20-aprel, 12:00-21:00
Qayerda: “FoodMall Tashkent” avtoturargohida
60 dan ortiq hunarmandlar va brendlarning mahsulotlari: kiyim-kechaklar, zargarlik buyumlari, kosmetika, interyer buyumlari va boshqa ko‘plab narsalar – barchasi mehr bilan yaratilgan.
Kirish bepul
* * *
"Kvadritto-propaditto" kechasi
Qachon: 19-aprel, 21:00
Qayerda: Nukus 89
Sababsiz va bepul sovg‘alar bilan o‘tkaziladigan ko‘ngilochar kecha! Nukus89'ning sevimli maskanida ajoyib musiqa, xushchaqchaq kayfiyat va qulay davra. Shuningdek, mehmonlar brend futbolkalarni yutib olish hamda sotib olish imkoniyatiga ega bo‘ladilar.
Kirish bepul, 21+
* * *
"O‘zingga o‘zing attor" mahorat darsi
Qachon: 20-aprel, 12:00
Qayerda: Human House
Ishtirokchilar 25 dan ortiq xushbo‘y hidlar: sitrus mevalar, ziravorlar, gullar va yog‘och notalari bilan tanishib, noyob attor yaratadi. Shuningdek, mehmonlarni parfyumeriya nozikliklari haqida ma’ruza, holatning hissiy tahlili va atirlarning mualliflik namunasi kutmoqda.
Ishtirok etish: 260 000 so‘m (oldindan ro‘yxatdan o‘tish orqali)
* * *
"Aktyorning kamera oldidagi ishi va rejissyor bilan munosabati" mavzusidagi amaliy seminar
Qachon: 20-aprel, 12:00-18:00
Qayerda: Tashkent Film School
Rejissyor Aleksandr Novikov-Yanginovning amaliy seminari bo‘lib, unda ishtirokchilar aktyorning montaj nuqtai nazaridan qanday fikrlashi, o‘zini operator ko‘zi bilan qanday ko‘rishi va boshqa ko‘plab nozik jihatlarni o‘rganadilar.
Ishtirok etish narxi: 150 000 so‘m (oldindan ro‘yxatdan o‘tish sharti bilan)
* * *
Öz Tashkent & matcha.uz
Qachon: 20-aprel, 12:00
Qayerda: matcha.uz
Kunduzgi reyv — Yevropa shaharlarini zabt etgan format. Kokteyllar o‘rniga — matcha choyi, kayfiyatni esa mahalliy DJ‘lar Isl va Iskandar Ikrami yaratadi.
Kirish: bepul
* * *
Bolalar va yoshlar uchun nemis tilidagi kino festivali
Qachon: 16-18-aprel, soat 12:00 dan 16:00 gacha
Qayerda: Alisher Navoiy nomidagi Kinosaroyi
Uch kun davomida rus va o‘zbek tillarida bepul kino namoyishlari: gnom va sehrli mavjudotlar haqidagi ertaklardan tortib do‘stlik, ulg‘ayish va birinchi muhabbat mavzularidagi filmlargacha. Bolalar va o‘smirlar bilan kinoteatrda maroqli vaqt o‘tkazish uchun ajoyib imkoniyat.
Kirish bepul (chiptalar asosida)
* * *
Fransuz kompozitorlarining kamer musiqasi konserti
Qachon: 22 апреля, 19:00
Qayerda: Davlat konservatoriyasi
Fransiyaning afsonaviy kompozitorlari - Gabriel Fore, Sezar Frank, Fransis Pulenk, Moris Ravel va Kamil Sen-Sans musiqalari kamer ijrosida yangraydi. Musiqiy davrlar va uslublar bo‘ylab nafis sayohat.
Kirish: 55 000 so'm
* * *
"Fransis Pulenk: men va mening do‘stlarim" konserti
Qachon: 23-aprel, soat 19:00
Qayerda: Davlat konservatoriyasi
Buyuk Fransis Pulenkning fransuzcha joziba, kinoya va falsafiy chuqurlikka to‘la fortepiano duetlari, fransuz musiqa festivali doirasida iste’dodli musiqachilar tomonidan ijro etiladi.
Kirish: 55 000 so‘m
* * *
Namuna mahallasida varraklar festivali
Qachon: 20-aprel
Qayerda: ул. Корасарой, 72
Respublika bolalar kutubxonasi oilaviy festivalga taklif etadi. Dasturda: varrak yasash bo‘yicha mahorat darslari (12:00-13:00 va 15:00-16:00), bolalar uchun kitob klubi (13:00-14:00), harakatli o‘yinlar va ochiq osmon ostida klassik musiqa konserti (16:00-17:00).
Kirish bepul, oldindan sayt orqali ro‘yxatdan o‘tish kerak