Kettik!
Haftalik afisha
Noyabr oxirida shahar o‘zgacha jarang topadi: mayin akustika va chiroqlar yog‘dusidan simfonik sehr va o‘tkir stendapgacha. Konsertlar, spektakllar va kamera muziqasi ushbu haftani hissiyotlar bilan rang-barang qiladi. Shovqin, g‘ala-g‘ovur, tashvishlardan chekinib, dekabrni yanada bayramona kutib olish imkoniyati!
Chorshanba
SAN’AT
Xorazmlik rassomlarning ko‘rgazmasi
O‘tkazilish vaqti: 10:05–19:00 Xorazmning zamonaviy san’ati bir makonda jamlangan: mintaqa madaniyati, uning ritmi va an’analarini aks ettiruvchi rangtasvir, grafika va bezak ishlari. Ko‘rgazma ekspozitsiyasida 11 nafar xorazmlik rassomning 50 dan ortiq rangtasvir asarlari namoyish etilmoqda.
Ikuo Xirayama madaniyat karvonsaroyi
Kirish bepul.
Juma
MUSIQA
Candle Fire Turkish
Chiptalar narxi: 157 000 so‘mdan 697 000 so‘mgacha. "Bravo" orkestri “Muhtasham yuz yil”, “Sevgi iztirobi”, “Ezel”, “Beqaror”, “Choliqushi”, “Aliya” va boshqa ko‘plab mashhur seriallardagi musiqalarni ijro etadi. Haqiqiy olov va sehrli muhit ohanglari. Candle Fire konserti musiqa, yorug‘lik va dramatik aranjirovkalarga butunlay sho‘ng‘ish imkoniyatini beruvchi kechani va’da qiladi.
Temiryo‘lchilar markaziy madaniyat saroyi
Shanba
MUSIQA
"Garri Potter" konserti
Chiptalar narxi: 230 000 so‘mdan 700 000 so‘mgacha. Xogvarts ustidan supurgida uchib o‘tish, snitch (qilich)ortidan quvish, fakultet ramzi yo‘l-yo‘l sharfni o‘rab olish, do‘stlik va hayot haqida ko‘proq bilish kabi hissiyotlarni yangitdan boshdan kechirish. Mashhur kino-saga musiqasi katta konsert ijrosida jonlanadi — simfonik ohang tovushidan eting jimirlaydigan sevimli mavzular! Konsert har qanday yoshdagi tinglovchilar uchun sehrga to‘la, milleniallar esa bundan ortig‘iga tayyor tursin…
Alisher Navoiy nomidagi kino saroyi
TADBIR
"Keramistan" kulolchilik ko‘rgazmasi
Mahalliy hunarmandlardan kulolchilik bayrami. Unda mualliflik vazalari, likopchalar va haykalchalar joy olgan. Ko‘rgazma mavzusi – bezak. Rassomlar qadimiy naqshlarni qayta ko‘rib chiqib, an’anaviy qadriyatlar va usullarni dolzarb badiiy ifodaning go‘zal tiliga aylantiradi.
Studio Artikul 32
Kirish bepul.
MUSIQA
Rassom Yigit Sattorning “ERROR 404: Art Not Found” shaxsiy ko‘rgazmasi ochilishi
Ko‘rgazma 30-noyabr – 9-dekabr kunlari barcha uchun ochiq bo‘ladi. Manzil: Toshkent fotosuratlar uyi Yigit Sattorning yo‘qotish va izlanish mavzularini nozik, ifodali tarzda tadqiq qilish harakatlari aks etgan yangi ishlari namoyish etiladi. Mehmonlarni "Uzumfermer"ning eksklyuziv vinolari va "Qand" shokoladlari hamda musiqa va yoqimli muhit kutmoqda.
MUSIQA
“Qofiyani unutdik” akustik konserti
Kirish narxi: 70 000 so‘m. Ko‘nglingiz qandaydir iliq va shinam muhitni xohlasa, ushbu tadbir ayni muddao. Mehmonlar aylana shaklda o‘tirib, gitara va turli zarbli cholg‘ularning umumiy jo‘rligida sevimli qo‘shiqlarni kuylashi noyabrning sovuq kechasida kayfiyatingizni ko‘tarishi tayin. “Qofiyani unutdik” tadbiri — bu kichik musiqiy konsertlarda ijod namunalari bilan bo‘lishish imkoniyatiga ega Toshkentning musiqali-ijodiy hamjamiyatidir.
Eco Cafe
TADBIR
“O‘g‘il” spektakli
Boris Gafurov tomonidan sahnalashtirilgan mashhur fransuz yozuvchisi Florian Zellerning xuddi shu nomli pyesasi – bu munosabatlar, aybdorlik va bir-birini tinglashga urinishlar haqidagi keskin, hissiy drama. Bu “Ilhom”ning eng kuchli spektakllaridan biri bo‘lib, unutilmas taassurotlarni qoldiradi.
Ilhom tearti
150 000 — 180 000 so‘m.
Yakshanba
MUSIQA
Swap Party
Odamlar bir biri bilan kiyim almashadigan ekologik toza format. Narsalaringizni yaxshi holatda olib keling va yangisiga almashtiring. Bu ortiqcha xarajatlarsiz garderobni yangilash imkoniyati. Mehmonlarni musiqa, raqslar, yangi tanishuvlar, taomlar, tanangizni isituvchi ichimliklar, shuningdek, “Ponayexali”dan sovg‘alar bilan brend ramzi tushirilgan buyumlar kutmoqda.
Ponayexali
Kirish bepul.
Seshanba
TADBIR
“Yevgeniy Onegin” operasi
Chiptalar narxi: 77 000 so‘mdan 220 000 so‘mgacha. Poytaxt teatri tomonidan sahnalashtirgan Chaykovskiyning klassik operasi sevgi, begonalashuv va taqdir hikoyasidir.
Alisher Navoiy nomidagi DAKT
Chorshanba
MUSIQA
Ariana Lolayevaning stend-up konserti
Chiptalar narxi: 150 000 so‘mdan 400 000 so‘mgacha. Ko‘pchilik yaxshi ko‘radigan qiziqchi, “Ochiq mikrofon”, “Comedy Battl”, “Stendap Andegraund” shoulari ishtirokchisi, Stand Up Club #1 sobiq rezidenti Ariana Lolayeva o‘zining mualliflik ijodini namoyish etadi. Zamonaviy sahnaning eng yorqin stendap sanʼatkorlaridan birining o‘tkir va haqqoniy komediyasi.
SAHNA stand-up club
TADBIR
Ka mate. Ka ora performansi
Kurash va tiklanish g‘oyalaridan ilhomlangan zamonaviy teatr. Inson o‘zini qabul qila oishi va o‘zida qorong‘ilik va yorug‘likni birlashtirish qobiliyati, ruhning harakati va kuchi haqidagi visual harakatlardan iborat spektakl.
Ilhom teatri
150 000 — 180 000 so‘m.
Oldingi sonlar
Yangiliklar
HD tahririyatidan maktub
Haftada bir marta Markaziy Osiyoning eng yaxshi materiallari, voqealari va madaniy kashfiyotlarini yuboramiz.