Retro Film klubida "Samuray"
Qayerda: “Panorama” kinoteatri, 5-zal
Qachon: juma, 15-may, 18:30
Rejissyor Jan-Pyer Melvilning 1967-yilda suratga olingan jinoiy neo-nuar filmi ushbu janrdagi eng nufuzli Yevropa filmlaridan biridir. Alen Delon o‘z sha'n kodeksi asosida yashovchi, kamgap va sovuqqon professional qotil Jef Kostello rolida. Minimalistik estetika, jarangdor musiqa va har bir kadr ustidan mutlaq nazorat. Film bugungi kunda ham butun dunyo kinomaktablarida o‘rganiladi.
Narxi: kirish bepul
Nayka Kaziyevaning "Stand-up"
Qayerda: SAHNA stand-up klubi, Matbuotchilar ko‘chasi, 17
Qachon: juma, 15-may, soat 19:00
Aktrisa va qiziqchi, TNT telekanalidagi “Ayollar stendapi” rezidenti, “KVN Oliy ligasi” hamda “Ochiq mikrofon” loyihalari ishtirokchisi. Shukin nomidagi teatr institutini tamomlagan. Uning sahnaga chiqishlari murakkab va nozik mavzularga bag‘ishlangan bo‘lib, bunday hazillarni do‘stlaringa aytib berging keladi.
Narxi: 100 000 so‘mdan boshlanadi
Opperetta.uz gala-konserti
Qayerda: Operetta teatri, Chilonzor-C, Cho‘ponota ko‘chasi
Qachon: yakshanba, 17-may, 18:30
III Xalqaro musiqali teatrlar forumi doirasida gala-konsert. Bir sahnada O‘zbekiston, Belarus, Qozog‘iston, Rossiya va Tojikiston teatrlarining yetakchi yakkaxonlari sahnaga chiqadi. Dasturdan operetta va operalardan ariyalar, milliy va zamonaviy asarlar hamda raqslar o‘rin olgan.
Narxi: 110 000 so‘mdan 154 000 so‘mgacha
"Qo‘shni ayol" monospektakli
Qayerda: ”Drugiye zveri” teatri, 1-Olmachi tor ko‘chasi, 37
Qachon: yakshanba, 17-may, soat 19:00
Tomoshabinga bir qo‘l masofada kechadigan samimiy monospektakl – bir inson taqdirining ichki kechinmalarga boy hikoyasi. Bu truppaning Sankt-Peterburgdagi “Yoshlar. Teatr. Fest” xalqaro festivaliga jo‘nab ketishi oldidan so‘nggi namoyish bo‘lib, unda spektakl O‘zbekiston nomidan ishtirok etadi. Joylar soni cheklangan.
Joylarni band qilish uchun Telegram manzili: @misanthropic_toad / +998993465117
Narxi: 80 000 so‘m
“Next avlodi” bolalar konserti
Qayerda: Operetta teatri, Chilonzor-C, Cho‘ponota ko‘chasi
Qachon: yakshanba, 17-may, 11:00
Davlat musiqali komediya teatri sahnasida bolalar uchun konsert dasturi. Yosh ijrochilarning vokal va xoreografik chiqishlari sizga uzoq vaqtga quvvat bag‘ishlashni va’da qiladi. Oilaviy tongni maroqli o‘tkazish uchun ajoyib tanlov.
Narxi: 33 000 so‘mdan 44 000 so‘mgacha
"Ruki vverx!" guruhining konserti
Qayerda: Humo Arena, Afrosiyob va Beshog‘och ko‘chalari kesishmasi
Qachon: dushanba, 18-may, soat 19:00
1995-yilda tashkil topgan Rossiya pop-guruhi. “Kroshka moya”, “Plach, moya dusha”, “Student” — bir necha avlod yoddan biladigan xitlardir. Arenada jonli ijro va to‘liq dasturga ega katta konsert bo‘lib o‘tadi.
Narxi: 390 000 so‘mdan 1 450 000 so‘mgacha
"Oqqush ko'li" baleti
Qayerda: Alisher Navoiy nomidagi Davlat akademik Katta teatri, Zarafshon ko‘chasi, 28
Qachon: chorshanba, 20-may, 19:00
Pyotr Ilich Chaykovskiyning dunyoda eng ko‘p sahnalashtiriladigan baletlaridan biri. Yovuz sehrgar tomonidan oqqushga aylantirilgan Odetta va shahzoda Zigfrid haqidagi qissa. Mamlakat bosh sahnasida jonli orkestr jo‘rligidagi klassik sahna asari.
Narxi: 77 000 so‘mdan 440 000 so‘mgacha
